ಸುಪ್ರಜ-ಸೌಹಾರ್ದ

ಸಂಸ್ಥೆಯನ್ನು ಪ್ರಾರಂಭಿಸಿದ ಮುಖ್ಯ ಉದ್ದೇಶ- ಮಧ್ಯಮ ಹಾಗೂ ಉತ್ತಮ ವರ್ಗದ ನೆಂಟರಿಷ್ಟರು, ಸ್ನೇಹಿತರು ಹಾಗೂ ಸಾರ್ವಜನಿಕರುಗಳನ್ನು ಸಂಸ್ಥೆಯ ಸದಸ್ಯರನ್ನಾಗಿ ಮಾಡಿಕೊಂಡು ಷೇರು ಬಂಡವಾಳ ಪಡೆದು ಠೇವಣಿ ಮಾಡಲು, ಸಾಲ ಪಡೆಯಲು ಮತ್ತು ಕ್ರೆಡಿಟ್ ಸೊಸೈಟಿಯಿಂದ ಪ್ರಯೋಜನವಾಗುವ ಇತರೆ ಎಲ್ಲಾ ಸವಲತ್ತುಗಳನ್ನು ನೀಡುವುದು.

ನಮ್ಮ ಅರ್ಜಿಗೆ ಪ್ರತ್ಯುತ್ತರವಾಗಿ ಕರ್ನಾಟಕ ಸರ್ಕಾರ ಸಹಕಾರ ಇಲಾಖೆಯವರು ನಮಗೆ 1000 ಸದಸ್ಯರಿಂದ ರೂ. 10 ಲಕ್ಷಕ್ಕೆ ಕಡಿಮೆ ಇಲ್ಲದಂತೆ ಷೇರು ಬಂಡವಾಳ ಸಂಗ್ರಹಿಸಿ ಕರ್ನಾಟಕ ಕೋ-ಆಪರೇಟಿವ್ ಸೊಸೈಟೀಸ್ ಕಾಯಿದೆ 1959 ಹಾಗೂ ರೂಲ್ಸ್ಗಳನ್ನು 1960 ಪ್ರಕಾರ ಬೈಲಾಗಳೂ ಮತ್ತು ರೂಲ್ಸ್ಗಳನ್ನು ತಯಾರಿಸಿ ಅರ್ಜಿ ಸಲ್ಲಿಸುವಂತೆ ತಿಳಿಸಿದರು.

ಕೇವಲ 1 ತಿಂಗಳಿನ ಅವಧಿಯಲ್ಲಿ 600 ಜನ ಸದಸ್ಯರಿಂದ 25 ಲಕ್ಷ ಷೇರು ಬಂಡವಾಳ ಸಂಗ್ರಹಿಸಿ ಬೈಲಾಗಳೊಂದಿಗೆ ಸಂಸ್ಥೆ ಪ್ರಾರಂಭಿಸಲು ಅನುಮತಿ ಕೋರಿದಾಗ, ನಮ್ಮ ಅರ್ಜಿಯನ್ನು ಪರಿಗಣಿಸಿ ಸಂಸ್ಥೆ ಪ್ರಾರಂಭಿಸಲು ಪರವಾನಗಿ ನೀಡಿದರು.

ಸೊಸೈಟಿಯನ್ನು ಪ್ರಾರಂಭಿಸಲು, ಬೈಲಾಗಳನ್ನು ತಯಾರಿಸಲು ಹಾಗೂ ಪ್ರಥಮ ನಿರ್ದೇಶಕ ಮಂಡಳಿಯಲ್ಲಿ ಸೇರಿ ನಮಗೆ ಸಹಕಾರ ನೀಡಿದ ಕರ್ನಾಟಕ ಸರ್ಕಾರದ ನಿವೃತ್ತ ಹಿರಿಯ ಅಧಿಕಾರಿಗಳಾದ ಶ್ರೀ ಹೆಚ್. ಎಸ್. ನಾಗರಾಜ್, ಶ್ರೀ ಎಸ್.ಎನ್.ಮಹದೇವಯ್ಯ, ಶ್ರೀ ಬಿ.ಎಂ. ರಾಜಶೇಖರಪ್ಪ ಮತ್ತು ಶ್ರೀ ವಿ. ಪುಟ್ಟಪ್ಪನವರುಗಳ ನಿಸ್ವಾರ್ಥ ಸೇವೆ ಹಾಗೂ ನನ್ನ ಜೊತೆಗೂಡಿದ ಶ್ರೀ ಎನ್.ಎಂ. ಶಿವಕುಮಾರ್‌ರವರು ಹಾಗೂ ಇತರ ಎಲ್ಲಾ ಪ್ರವರ್ತಕರುಗಳು ಸೊಸೈಟಿಯ ಪ್ರಾರಂಭದಲ್ಲಿ ನೀಡಿದ ಸೇವೆ ಹಾಗೂ ಸಹಕಾರಗಳನ್ನು ಸ್ಮರಿಸದಿದ್ದರೆ ತಪ್ಪಾಗುತ್ತದೆ.

ಈ ರೀತಿ ಸರ್ಕಾರದಿಂದ ಅಂಗೀಕೃತಗೊಂಡ “ಸುಪ್ರಜ ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿ ಲಿಮಿಟೆಡ್” ಸಂಸ್ಥೆಯು ದಿನಾಂಕ 10-11-1997ರಂದು ಚಿಕ್ಕಪೇಟೆಯಲ್ಲಿ ಒಂದು ಸೂಕ್ತವಾದ ಸ್ಥಳವನ್ನು ಬಾಡಿಗೆಗೆ ಪಡೆದು ಪ್ರಾರಂಭವಾಯಿತು.

ಅಂದಿನಿಂದ ಸೊಸೈಟಿಯು ಎಲ್ಲಾ ರೀತಿಯ ವ್ಯಾಪಾರ ವಹೀವಾಟುಗಳಲ್ಲಿ ಅಭಿವೃದ್ಧಿ ಹೊಂದುತ್ತಾ ಮುಂದುವರೆದ ವರ್ಷಗಳಲ್ಲಿ ಹೆಚ್ಚು ಹೆಚ್ಚು ಲಾಭಗಳಿಸುತ್ತ ಮುಂದುವರೆಯಿತು. ಸಂಸ್ಥೆಯು ಪ್ರಾರಂಭಗೊಂಡ 8 ವರ್ಷಗಳ ನಂತರ ಆಡಳಿತ ಮಂಡಳಿಗೆ ಸಂಸ್ಥೆಗೆ ವ್ಯಾಪಾರ ವಹಿವಾಟು ಹಗೂ ಇತರ ಆಡಳಿತಾತ್ಮಕ ವಿಷಯಗಳಲ್ಲಿ ಸ್ವಂತ ತೀರ್ಮಾನ ತೆಗೆದುಕೊಳ್ಳುವ ಅಂದರೆ, ನಿರ್ದೇಶಕ ಮಂಡಳಿಯು ವಾರ್ಷಿಕ ಲೆಕ್ಕ ಪರಿಶೋಧನೆಯನ್ನು ಸಹಕಾರ ಇಲಾಖೆ ಅಧಿಕಾರಿಗಳಿಗೆ ಕಾಯಿದೆ ಅಂಗೀಕೃತ ಲೆಕ್ಕಪರಿಶೋಧಕರಿಂದ ಶೀಘ್ರವಾಗಿ ಮಾಡಿಸಿಕೊಳ್ಳುವ ಪ್ರಯೋಜನ ಪಡೆಯಲು ಸೊಸೈಟಿಯನ್ನು ಸಹಕಾರಿಯಾಗಿ ಅಂದರೆ ಕರ್ನಾಟಕ ಸೌಹಾರ್ದ ಸಹಕಾರಿ ಅಧಿನಿಯಮ ಹಾಗೂ ಕಾಯಿದೆಗಳ ಅನ್ವಯ “ಸುಪ್ರಜ ಸೌಹಾರ್ದ ಕ್ರೆಡಿಟ್ ಕೋ ಆಪರೇಟಿವ್ ಲಿಮಿಟೆಡ್ ಸಂಸ್ಥೆಯನ್ನಾಗಿ ಸರ್ಕಾರದ ಮಂಜೂರಾತಿ ಸಂಖ್ಯೆ ಜೆ.ಆರ್.ಬಿ.ಆರ್.ಜೆ.ಎನ್. ಸೌಕಾ:36:159:2005 2006 ಯಾಗಿ ನೋಂದಣಿಗೊಂಡು ಪರಿವರ್ತನೆಯಾಗಿರುತ್ತದೆ.

ನಂತರದ ವರ್ಷಗಳಲ್ಲಿ ಸಹಕಾರಿಯ ವ್ಯಾಪಾರ ವಹೀವಾಟುಗಳು ಉತ್ತಮ ರೀತಿಯಲ್ಲಿ ನಡೆಯುತ್ತಿದ್ದು ಸದಸ್ಯರಿಗೆ ಉತ್ತಮ ಲಾಭಾಂಶ ನೀಡುತ್ತಾ ಬಂದಿದೆ. ಸಹಕಾರಿಯ ಆಡಳಿತ ಮಂಡಳಿಯಲ್ಲಿರುವ ಎಲ್ಲಾ ನಿರ್ದೇಶಕರು ಹಾಗೂ ಎಲ್ಲಾ ಸಿಬ್ಬಂದಿ ವರ್ಗದವರು ಉತ್ತಮವಾಗಿ ಕೆಲಸ ನಿರ್ವಹಿಸುತ್ತಾ ಸಹಕಾರಿಯ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ಭಾಗವಹಿಸುತ್ತಿದ್ದಾರೆ.

2019-20 ಮತ್ತು 2020-21ನೇ ಸಾಲಿನ ಲೆಕ್ಕಪರಿಶೋಧಕರ ವರದಿ ಪ್ರಕಾರ ನಮ್ಮ ಸಹಕಾರಿಯ ವ್ಯಾಪಾರ ವಹಿವಾಟುಗಳನ್ನು "ಎ" ವರ್ಗ ನೀಡಿರುತ್ತಾರೆ ಮತ್ತು ನಮ್ಮ ಸಹಕಾರಿಯು ಸತತವಾಗಿ ಎಂಟನೇ ಸಾಲಿನಲ್ಲಿಯೂ ಸದಸ್ಯರಿಗೆ 25% ಲಾಭಾಂಶ ಘೋಷಿಸಿರುವುದು ಹಾಗೂ ಕಳೆದ 20 ತಿಂಗಳುಗಳಿಂದ ಇರುವ ಕೋವಿಡ್ ಪರಿಸ್ಥಿತಿಯಲ್ಲಿಯೂ ಸಹಕಾರಿಯು ಎಲ್ಲ ಸಿಬ್ಬಂದಿ ವರ್ಗದವರ ಪೂರ್ಣ ಸಹಕಾರದಿಂದ ಸದಸ್ಯರುಗಳಿಗೆ ಉತ್ತಮ ಸೇವೆ ನೀಡುತ್ತ ಬಂದಿರುವುದು ಹೆಮ್ಮೆಯ ವಿಷಯ

ಬೆಂಗಳೂರು

ಎಂ. ಶಿವರುದ್ರಪ್ಪ
ಅಧ್ಯಕ್ಷರು